ILLAR DA FASA ƘWABRI KE YIWA TATTALIN ARZIKIN KASA - Compt. Abba Aji
Daga Kabir Ahmed S/Kuka
A ci gaba da kokarin karfafa huldar jama’a da yaki da safarar miyagun kwayoyi, Kwanturola na Hukumar Kwastam Abba-Aji Idris na jihar Katsina ya tattauna da daliban makarantar sakandaren gwamnati da jami’ar Ummaru Musa Yar’adua.
Kwanturola Idris ya bayyana illolin fasa-kwauri da tasirinsa ga tattalin arzikin Najeriya, inda ya bayyana alfanun kudaden shiga da jami’an Kwastam ke samu. Ya kuma nuna jin dadinsa ga al’ummar jihar Katsina bisa karramawar da suke yi da kuma hadin kan da suke ba shi tun hawansa mulki.
Mataimakin shugaban makarantar Mal Mas’udu Sa’eed ya yabawa Kwanturola Idris bisa yadda ya ba da fifiko wajen hada kan al’umma, inda ya ce, “Wannan kyakkyawar fahimta ce ta alaka da zamantakewar al’umma.
Kwanturola Idris ya kuma fadakar da daliban Jami’ar Ummaru Musa Yar’adua kan harkokin kwastam, tarihi, dokoki, dalla-dalla da hukunce-hukuncen shari’a. Daliban sun yaba da wannan kokari nasa, inda shugaban kungiyar Kwamared Mubarak Musa ya yabawa Kwanturolan bisa kyakkyawar tarbar da ya yi da kuma bayyana ma’anarsa.
Ta hanyar cudanya da dalibai, Hukumar Kwastam na da burin inganta kyakkyawar fahimtar rawar da take takawa wajen tabbatar da tsare iyakokin Najeriya da bunkasar tattalin arzikin ta, inji Kwanturola Aji kamar yadda sanarwar manema labarai mai dauke da sa hannun ASC Bello Isa wanda kuma shine Mataimakin jami'in hulda da jama'a na hukumar ya sanyawa hannu.