Juyin mulkin Nijer : ANA GABA KURA BAYA SAYAKI TA FANNIN TATTALIN ARZIKI
Daga Kabir Ahmed S/Kuka
Tun bayan sanarwar da ƙungiyar kasashen yamma ECOWAS ta bayar na kafawa kasar Nijer takunkumi da rufe kan iyakoki da kuma asusun bankunan ƙasar na kasuwanci da kuma na ajiyar kasashen waje, ƙasar ta fara fita daga hayyacinta ta fuskar tattalin arziki.
A halin da ake ciki a Jamhuriyar Nijar a halin yanzu, masu ra'ayin rikau sun dauki wani sabon mataki na nuna damuwa ta hanyar amfani da muggan makamai domin kaucewa takunkumin karya tattalin arziki da aka kakabawa kasar. Wasu Sojojin da suka rufe fuska sun je hedkwatar BCEAO, inda suka yi wa Daraktan barazana kai tsaye ta hanyar neman a bude ka’idojin da suka dace don canja wurin ajiyan bankunan cikin gida da kuma kudaden kasashen waje. Abin takaici a gare su shi ne, basu san cewa ikon yin hakan na hedkwatar dake can Dakar inda a can ne za'a iya ba da izinin aiwatar da irin wannan ciniki.
Ana kuma kara nuna damuwa a cikin kungiyar ma'aikatan bankin, wanda a cikin kwanaki masu zuwa, ake shirin fitar da sanarwa a hukumance dangane da wadannan abubuwan da ke damun su. Membobin kungiyar suna fuskantar matsin lamba akai-akai daga gwamnatin mulkin soja kuma babu wata ma'amala da za ta yiwu don goyon bayan kasar ba tare da ta fito daga jami'in ba da izini ba, BCEAO;
Wani muhimmin al’amari kuma shi ne batun biyan kudaden ajiyar ma’aikatan kwangiloli, da masu yi wa kasa hidima da masu neman tallafin karatu, a halin yanzu sun gurgunce sakamakon toshe kudade da CCP-mobile ta yi saboda daskarewar kadarorin kudin Nijar.
Tawagar gwamnatin mulkin sojan da aka aika zuwa Bamako da Ouagadougou da nufin neman kudi ta fuskanci gazawa, wanda hakan ya nuna matsalar kudi da wadannan kasashe 2 da su kansu suke fuskanta.
A cikin wannan rikici, ana shirin kai ziyarar Janar Tchiani, shugaban juyin mulkin na soja a wadannan kasashe biyu. Manufar wannan ziyarar ita ce samun lamuni mai mahimmanci na kudi domin ci gaba da gudanar da ayyukan kasa musamman ta fuskar tsaro da albashi.
Rikicin da ake fama da shi a Nijar na kara daukar wani yanayi mai cike da damuwa wanda kuma mai yiyuwa ne wannan lamarin ya dawwama kuma ya ta'azzara.