Hajj 2023 AN ƘARA SAMUN GURABE GA JIRAGEN SAMA NA NAJERIYA DON JIGILAR MAHAJJATA ZUWA GIDA
Kamar yadda wata sanarwa ta fito daga hukumar dake kula da aiyukan hajji ta Najeriya NAHCON daga gobe Laraba, 12 ga Yuli, 2023 duk jiragen Najeriya masu lasisi za su fara jigilar mahajjatan su zuwa Najeriya ta filin jirgin sama na Jedda
Kamar yadda Mataimakin Daraktan yaɗa labarai na hukumar Mousa Ubandawaki ya sanyawa takardar sanarwar hannu yace, "Wannan shi ne sakamakon babban taron da hukumar alhazai ta Najeriya NAHCON ta yi da mahukuntan Saudiyya, hukumar kula da zirga-zirgar jiragen sama (GACA) akan tafiyar hawainiya da shirin ke yi.
A halin da ake ciki, kamfanonin jiragen Max Air da takwarorin su zasu cigaba da jigilar maniyatan zuwa gida a kowace rana tare da masu jiragen yawo.
Ana sa ran wannan sabon al’amari zai kawo sauki ga tashin hankalin alhazan Najeriya da suka koka kan komawa gida Najeriya tun bayan kammala aikin Hajjin a ranar 30 ga watan Yuni. Haka kuma za'a kara habaka aikin jigilar jiragen da ke fama da matsalar rashin samar da layukan dakon kaya na Najeriya da ke da lasisi musamman na Hukumar Kula da Sufurin Jiragen Sama ta Saudiyya.
Hukumar ta damu matuka game da yanayin da ta ke fama da shi tun lokacin da aka fara aikin jigilar jiragen sama kashi na biyu. Hukumar ta GACA ta ki bai wa kamfanonin jiragen sama na Najeriya guraben don gaggauta dawowar alhazan gida.
Wakilai da dama sun gudanar da tarurruka akan wannan lamari. Shi ma jakadan Najeriya a Saudiyya Amb. Yahaya Lawal bai samu nasara ba a karon farko har sai da batun ya kai ga matakin gwamnati kafin a shawo kan lamarin.
Ya zuwa yanzu, jirage 26 ne kawai suka yi rahoto kan aikin jigilar jiragen sama tare da jirgin sama mafi girma da kamfanin Flynas mallakar Saudiyya ke sarrafa wanda ya yi sama da kashi 2/3 na jiragen.