AN BA HAMUTTA ISKA TSAKANIN DSS DA JAMI'AN GIDAN GYARAN HALI A KOTU
Daga Kabir Ahmed S/Kuka
An yi wani wasan kwaikwayo yayin da jami’an ma’aikatar kula da harkokin gwamnati da jami’an gidan gyaran hali na Ikoyi suka yi arangama a babbar kotun tarayya da ke Legas, kan wanda zai kama gwamnan babban bankin Najeriya (CBN) da aka dakatar, Godwin Emefiele a gidan yari.
Jim kadan bayan mai shari’a Nicholas Oweibo ya bayar da belin Emefiele kuma an dage sauraron karar zuwa ranar 14 ga watan Nuwamba, an ga wasu jami’an DSS a wurare masu muhimmanci da kuma kusa da kofar shiga kotun. A ranar Talata ne mai shari’a Oweibo ya bayar da belin Emefiele a kan kudi Naira miliyan 20 wanda ake tuhuma da mallakar makamai ba bisa ka’ida ba.
Alkalin kotun ya amince da bukatar da lauyan da ake kara ya shigar saboda laifin da ake tuhumar wanda ake tuhumar yana da beli.
Kotun ta ce ba za a iya hana belin ba ne saboda baiyana yanayin da aka bayyana a sashe na 162 na dokar gudanar da shari’ar laifuka da ya samar da wannan dama
Kotun ta ce masu gabatar da kara ba su gabatar da irin wannan yanayin a gaban kotun ba.
A saboda haka kotun ta bayar da belin wanda ake kara a kan kudi Naira miliyan 20 tare da tsayayyen mutun daya.
Kotun ta ce wanda zai tsaya masa dole ne ya mika takardar shaidar mallakar dukiya kuma ya mallaki kadarori.
Ya ba da umarnin a ci gaba da tsare wanda ake tuhuma a gidan gyaran hali har sai an kammala cika sharuddan beli.
Sai dai jami’an DSS sun killace harabar kotun domin sake kama shi, kuma jami’an gidan yarin na Ikoyi suka bijire musu, lamarin da ya haifar da cece-kuce tare da barkewar fada a tsakanin su. Kamar yadda kafar labarai ta News Direct ta ruwaito